Nisto nadamos agora...

APRILIA PEGASO

Hoxe a cousa non vai de Vespas... Desta volta, a Aprilia Pegaso 650 que nunca me dera problema algún, tivo que parar no taller para cambiar a xunta da culata, operación costosa e complicada ao ter que desmontar o motor e sacalo do chásis, co que implica de desfacer prácticamente a moto...Tendo en conta o tempo que tardarían en facer a operación, decidín aproveitar para pegarlle un lavado de cara, e pintala de branco, co hándicap de traballar sobre plásticos e non sobre metal. O primeiro paso é coma sempre lixala ben, e eliminar a capa brillante superior.

Despois eliminar os rallóns e as lembranzas dalgunha caida (sen consecuencias para o conductor mais si para a máquina) Isto con pasta de carroceiro coma noutras ocasións, e logo algunha hora de lixado para deixala a punto.

O seguinte que fixen foi comprar unha imprimación específca para estes plásticos (ollo, a normal non sirve neste caso, xa que non agarraría) Despois de aplicala a pistola nun sitio sen pó para evitar que se peguen impurezas, de novo unha lixiña á auga (neste caso unha lixa fina, de 1000 é suficiente) e segunda man de imprimación.

Éste é o resultado trala primeira imprimación, agora buscarei unha pintura branca con algo de brillo, ainda que o das cores é algo persoal...de feito á muller non comparte a miña opinión, pero polo momento na moto ainda mando eu!

CONCENTRACIÓN CLÁSICAS CALO 20-XUÑO-2010

PASEO CÁNTABRO

O pasado fin de semán estiven en Santander, onde aparte de visitar á familia, puiden dar un paseiño coa Vespa do meu cuñado, unha px200-disco. A verdade é que anda moi ben o bicho este, e en canto ao paseo, inmellorable, os que coñezades eses lares sabedes do que os falo, Liencres, Boo de Piélagos, Santander...Deixo unha foto da Vespa do "cuñao Jezú". 

PINTURA ANTIGRAVILLA

O paso seguinte é darlle aos baixos e zonas non visibles a pintura antigravilla. Esta pintura crea unha capa mais gorda e rugosa, que ademais de aislar da humidade, amortiguará os pequenos golpes que poida sufrir.

Comprei esta pintura que ven xa preparada en spray para pistola de aire, costou o bote uns 5 €, pero como a pintura é mais densa, e vai como a salpicóns, non lle vale a pistola normal, polo que comprei tamén unha específica que me queda para mais chapuzas (costou 7 €, tampouco foi moito)

 

Deixo coma sempre unhas fotos das pezas preparads antes de pintalas, e o resultado final. Esta pintura haina de diferentes cores, merquei a gris para igualar ao máximo a imprimación, e evitar así diferencias na cor de pintado final.