PINTURA ANTIGRAVILLA

O paso seguinte é darlle aos baixos e zonas non visibles a pintura antigravilla. Esta pintura crea unha capa mais gorda e rugosa, que ademais de aislar da humidade, amortiguará os pequenos golpes que poida sufrir.

Comprei esta pintura que ven xa preparada en spray para pistola de aire, costou o bote uns 5 €, pero como a pintura é mais densa, e vai como a salpicóns, non lle vale a pistola normal, polo que comprei tamén unha específica que me queda para mais chapuzas (costou 7 €, tampouco foi moito)

 

Deixo coma sempre unhas fotos das pezas preparads antes de pintalas, e o resultado final. Esta pintura haina de diferentes cores, merquei a gris para igualar ao máximo a imprimación, e evitar así diferencias na cor de pintado final.

PUZZLE COMPLETO

Parece que vou completando o puzle. Por unha banda conseguín un carburador e filtro de aire que veu dende o trasteiro de Xastre en Xixón, é o carburador Del´Orto UA 16 (o que montaba de serie a xacobea)

É de agradecer ver que aínda quede xente como Xastre que non ven un negocio nesto das pezas

das nosas vellas vespas. O carburador chegoume tal cal o vedes na foto, ben limpiño, así da gusto!

Por outra banda, José de Murcia (que vendía pezas a través do foro de Vespania, e na actualidade está en proceso de creación da súa propia tenda on line: http://recambiovespa.com/) mandoume o escape, a este si que tiven que facerlle un bó lavado de cara, xa qaue viña "chorreando" grasa, pero efectivamente, o mesmo está en moi bó estado e sen picadas.

Xa só quedaba o plato ou volante magnético, os prezos están completamente desorbitados polo que vos comento de que hai moita xente pensando no "negocio", dahí a que non chegara a ningún acordo, e empezara a desesperarme. O pasado domingo, na Ruta Rosaliana o amigo Luis, de Teo que ten unha preciosa Vespa, comentoume dun paisano que tivera un taller e que puidera ser que tivera algún plato, ademais de ser un especialista nas scooters clásicas, e ademais a 300 metros da miña casa! O mesmo martes á volta do traballo parei e efectivamente din co paisano, e alí tiña un precioso plato magnético, co plato de bobinas, e unhas bobinas que en apariencia semellaban estar en bó estado, pero que de todas formas antes de nada levara o motor para ver se daba boa corriente. No taller tiña tres fermosas vespas xa arrgeladiñas e unha lambretta en estado de preparación, e tendo boas referencias del, xa non busco mais, levareille a el o motor a que lle bote un vistazo. Non podo dar mais datos do mecánico, porque como case todos os que mais saben destas máquinas, está xa xubilado...de feito souben cal era o taller porque vin a un tipo entrando por unha porta cun sospeitoso chasis dunha vespa baixo o brazo...

Así que metín todas as pezas do puzzle-motor nun capazo, ao coche, e hoxe pola tarde quedarán no taller...   

RUTA ROSALIANA 2010 - VIDEO

RUTA ROSALIANA 2010

CHASIS IMPRIMADO

Velaí está o resultado da primeira man de imprimación, e tendo en conta que foi a miña primeira experiencia con estas cousas, pareceume bastante aceptable, estou pensando que incluso me lanzo a pintala completa visto o visto. Agora tocará lixala de novo cunha lixa de auga ben fina para elimnar algunhas impurezas, e darlle unha segunda man. Despois, pintar os baixos cunha pintura antigravilla, pero iso xa é adiantarnos moito.

PREPARADO PARA IMPRIMAR

Eiquí vemos o corpo da Vespa xa lixado, pasetado e preparado para imprimar.

Para imprimar utilicei unha pistola e un grupo de presión cedido polo meu irmán Julio, quen tamén me deu un cursiño previo de aprendizaxe. Seguindo os consellos dos foros e blogues, acudin a unha tenda especializada en pinturas, en vez de ir ao "meu" Leroy. Alí me deron unha imprimación de marca Valentine (7€ bote de 750cc) e un bote de disolvente Valentine (4,5 €). Hai que disolver a pintura ao 10%. O propio depósito da pistola de pintar, trae medidas, o que facilita a operación. 

Aquí a pistola e o compresor:

Xa por último, unha foto miña xa preparado para imprimar (foto cortesía do meu irmán Julio) Despois tiven que calarme un gorro e unhas gafas...

 

É importante que o lugar onde vaiamos a pintar esté ben limpo, sen pó que se poida levantar coas correntes que provoca a propia pistola e compresor, e sobre todo ben ventilado para evitar que acabemos vendo enanitos de cores xogando pola casa...

CONCENTRACIÓN CLÁSICAS "TERRAS DE PADRÓN" II PARTE

Estas son outras das Vespas que pudiemos ver, a primeira coa estética mod, é a de FAS, de golfos ártabros, e admin istrador do blogue http://vlculleredo-galego.blogspot.com/

CONCENTRACIÓN CLÁSICAS "TERRAS DE PADRÓN" PARTE I

O pasado 1 de maio, celebrouse en Padrón a IV Ruta Internacional de motos Antigas Terras de Padrón", organizada polo clube de motos antigas "Terras de Padrón" Alí fun coa Butanita (a miña Bultaco), xa que a Xacobea ainda non está en condicións, como sabedes...Fixo bó día, o que axudoui a que nos xuntaramos perto de 200 motos, entre elas viñeron algúns "golfos ártabros" do Norte, cos que puiden compartir unhas palabras. Tampocuo faltaron os "vespeinados" de Vigo.

Nesta primeira rolda de imaxes, vou colgar algunhas das Vespas que se puideron ver na mesma:

Esta era a mais antiga, unha Vespa de faro baixo perfectamente restaurada:


Esta é como a miña! Unha 125 L verde e asento dobre:

Unha 125L en azul marino e asento corrido

Unha "L" Branca

Outra "L", nesta ocasión azul metalizado. Curioso este asento con flecos...