MOTOR PETROLEADO

O meu veciño Carlos, véndome tan entretido frotando o motor con desengrasante e pinceis, decideu prestarme o seu grupo de presión, coa pistola. Baixo as súas recomendacións, enchimos de gasolina o depósito da pìstola e despois de media horiña dándolle con gasolina a presión, o corpo do motor quedou en bastante bó estado para meterlle man. Ás veces é certo que ter ferramentas (propias ou emprestadas) é moi valioso, grazas ao grupo de presión de Carlos aforrei moitas horas de pincel e cepillo, conseguindo á súa vez un resultado mellor.



Namentres pasa o tempo, vou buscando as pezas que lle faltan ao motor. Non é nada sinxelo atopalas, nin saber de compatibilidades entre uns motores e outros. Por sorte nun foro atopei un manual de despece destas Vespas que indica qué pezas son comúns aos diferentes motores.

Polo momento debo agradecer a colaboración de Xastre, que conta cun blogue xenial(http://www.xastreshouse.blogspot.com/) seguidor desta restauración, quen aparte de aconsellarme e enseñarme algo sobre a mecánica do meu motor, ofreceume algunhas das pezas necesarias, entre elas o carburador, que era unha das cousas mais complicadas de acadar. Agardo que cheguemos a un bó acordo, e poidamos tomarnos esa sidrina á que me convidou en Xixón.

VESPA EN LISBOA

Paseando por Lisboa na Semana Santa vin isto, e non podo evitar compartila con vos.

CHASIS LIXADO!!!

Eiquí estamos de volta. A verdade é que o lixado do chasis levoume mais tempo e traballo do esperado, dahí que non postease nun tempo. Bon, iso, e que tiven que vaiar o xardín para evitar caidas do pequeno, pasar o céspede, e esas cousas que fai un "amo de casa". E entre cousa e cousa, saquei ratos para suar entre taladro, decapante e lixas...Mais ao final, rematei coa operación de lixado do chasis.

Agora tocaría xa traballo de pastear, pero descubrín uns roídos e óxidos que terei que mirar antes de nada. Están nos nervos que fortalecen o chasis por debaixo, penso que se ven na foto de abaixo, sobre todo no primeiro e no último que son os que mais sufren os efectos das salpicaduras das rodas. Penso que non será complicado, bastaría con eliminar eses nervos e soldar unhas barras de aceiro dese mesmo diámetro no seu lugar, pero como ainda nunca tentei a soldadura, buscarei un "profesional" que lle bote un vistazo e me aconselle o mellor.

Xa vos direi.

Consultei polos foros e a verdade é que isto de inetrenet é unha maravilla. Dende o de Golfos Ártabros, "Gally" comenta que o ideal sería cambiar os nervos do piso por uns novos ou refabricados, ou no seu defecto, repara os actuais con soldadura. Dende Vespania, "Lobovigo" me informa de que existen estes reforzos á venda, e incluso os baixos completos, e me deixa o enlace a www.recambiomoto.com onde atopalos, os nervos véndense a 12 € unidade, graciñas aos dous pola, información!

chasis

Mentres avanzo con outras cousas, xa teño o chasis casi desmontadiño de todo. Moitos dos tornillos que ían aparecendo estaban oxidados e se desfacían case con miralos, polo que tiven que tirar de taladro e brocas de metal (digo brocas en plural, porque partin unhas cantas, hai que ver qué delicadas que son!) Agora comezarei co decapado e lixado.

LAVADORA

Para eliminar o óxido e restos de porquerías, existen varios métodos, os mais eficaces, son dous, un deles cunha mezcla de auga e vinagre, e outro mezclando auga e augaforte. A diferencia ben estando no tempo de actuación de cada unha dos métodos (os dous son moi económicos) Mentres que o vinagre tarda mais en actuar, a solución con augaforte (a marca coñecida é Salfumán, por se a algún lle soa) é moito mais rápida. A augaforte pódese adquirir en calquer droguería, e o prezo manda polo euro o litro. Eu merquei Salfumán en Leroy. Mezclei ao 50% con auga, e boteille un chorriño de fairy (serve mistol, ou calquer desengrasante) E alí fun metendo as pezas oxidadas, pernios, tornillos, chapas, etc.

Esquecín de facerlle unha foto aos aros ada roda antes de entrar na "lavadora", estaban cheíños de borralla e óxidos, e así sairon:

Agora toca decapar e todo o proceso que coñecedes dos pasos anteriores...

cofano esquerdo

Este é o resultado do cófano esquerdo xa montada a tapa:


ANTES:


DESPOIS:

TAPA PORTAOBXECTOS

Ben, agora os amoso o proceso completo coa tapa, este era o seu estado orixinal:



Comezamos co decapado, se vos fixades vedes cómo o produto enrruga a pintura e a levanta, co que cunha espátula, podemos retirala para despois darlle o lixado final coas púas de ferro.



Unha vez lixado, e para eliminar os bollos e pequenosa desperfectos, apliquei masilla a esgalla:



Despois de lixar ben, e de dúas mans de imprimación con lixado entre unha e outra man, éste é o resultado final: